Pyonye ITIAHaiti-a trase yon bèl egzanp nan demach ITIAHaiti ap mennen pou Ayiti gen yon òganizasyon jèn solidè. Itiyayis la fè aktivite-a ak jèn nan legliz li, men sa pa t evite anpil lòt jèn nan alawonnay la te vin kouvri li nan nan aktivite-a, epi pofite pran ti mose konesans tou. Yon gwo kout chapo ba pou lòt jèn lidè kominotè ki te vin travay kòtakòt ak Jwachim Pyè Andre, tankou: Kenndi Franswa, Jan Filip Dèmòn ak Dyefredo Cherisme.
Patisipan yo ta mande pou seminè fòmasyon ki ta dire kat (4) jou-a kontinye pou yon mwa. Òganizasyon-an ap travay kou mèt Jan Jak pou li bay jèn sa yo yon sètifika patisipasyon, epi ranfòse kapasite yo kòm fòmatè nan domèn teyatral la, yon fason pou ta fòme plis jèn, jan yo ta swete l la, pou plis jèn ka touche pi devan. Viziblite inisyativ sa motive lòt manm ITIAHaiti yo pou vin pote plis volonte nan travay transfòmasyon mantal ayisyen-an. Gras aktivite sa, kèk teyorisyen kase chèn meskinri, epi deside pataje temwayaj volontarya ki moutre enpòtans volontarya nan alawonnany yo tou.
Premye seyans fòmasyon fizik sa moutre jan nou ta ka transfòme jèn nou reve wè otonòm demen yo. ITIAHaiti twouve egzistans li itil anpil nan ede plis moun konnen valè entèlektyèl ak kiltirèl yo atravè rezo sosyal. Li mete materyèl tankou banè, mayo, ak ti finansman nan bay rafrechisman. Ekip la ede fòmatè yo swiv filozofi, vizyon, misyon, ak objektif òganizasyon-an kòm yon sèl fanmiy. ITIAHaiti bay apywi teknik nan kreye fòmilè eksèl, wòd epi pibliye seminè-a sou sit entènèt li pou patisipasyon transparan.
Wilsonn Telimo Lwi,
Prezidan ITIAHaiti
