De (2) rezolisyon asanble jeneral ITIAHaiti pran pandan ane 2021-an:
Rezolisyon-2
Apati 1e janvye 2022, nenpòt moun ki vyole règleman gwoup WhatsApp ITIAHaiti-a ap deyò.
Tanpri, n ap raple prensip gwoup la pou manm ki fenk vini yo.
Nou pa dwe janm pataje yon bagay ki pa gen rapò ak vizyon, misyon, epi objektif ITIAHaiti. Sèlman, si se yon manm oganizasyon an ki kreyatè li, oswa yon aktè ladan, oudimwen sa w pataje a gen rapo ak yon deba k ap fèt nan gwoup la.
Sa pa inyore ou voye l bay manm gwoup la an prive, souple.
Rezolisyon-1
Manm komite ak komisyon ITIAHaiti yo pa dwe fè pati komite lòt òganizasyon ki nan menm domèn entèvansyon ak ITIAHaiti.
Konstatasyon:
Nou dekouvri anpil moun ki nan komite ITIAHaiti yo se lidè nan lòt òganizasyon ;
Nou gen enpresyon manm sa yo pa gen tan pou ni youn, ni lòt, selon angajman yo;
Nou remake lidè sa yo manke bay tan yo nan aktivite òganizasyon-an tou;
Nou sispèk gen moun k ap jwe wòl lòt moun nan komite ak komisyon yo;
Nou wè manm komite sa yo nan lòt òganizasyon ki gen menm chan entèvansyon ak ITIAHaiti.
Nou twouve aktivite òganizasyon-an manke vanse akoz manke detèminasyon.
Pwovèb kreyòl la di: pise gaye pa fè kim. Poutèt sa ka kreye konfli enterè ak enstabilite, nou mande pou manm komite sa yo fè yon chwa: oubyen kenbe idantide “mand onè” yo nan ITIAHaiti, (jan chapi II nan règleman òganizasyon-an defini l, oswa epi travay an patenarya ak òganizasyon-an pito, tanpri.
