Nou remèsye chak manm ITIAHaiti ki te prezan nan bèl rankont yè dimanch 21 mas 2021-an. Pou byen di : rankont ITIAHaiti yo toujou kolosal. Se bon bagay ak konesans serye ki toujou pataje nan rankont sa yo. Yo pèmèt mwen grandi e mwen aprann anpil bagay ki itil mwen anndan òganizasyon an.
Nou santi nou onore pa prezans tout moun. Mèsi pou bèl lekti powetik sa Madam Etyèn te fè pou nou yè nan rankont lan. Se te bèl bagay. Sanble n ap ba w li pwezi nou yo pou nou paske nou t ap chache yon fi ki pou fè sa. Ou se kandida ideyal la !
Nou kwè nan pwojè a. Nou kenbe espwa ke n
ap reyalize objektif yo, pote chanjman nan mitan nou, bay jenès la yon pi bon oryantasyon, ede jèn yo òganize yo, bay literati kreyòl la bon jarèt, epi envesti konesans nou nan kominote a yon fason pou nouvèl jenerasyon an ka genyen yon meyè avni.
Nou espere tout manm ITIAHaiti yo rejwenn nou kò e nanm nan travay sa paske nou pap kanpe, e nou bezwen plis moun pou ede nou pouse charyo a. Men anpil chay pa lou.
Yon pawòl = Yon aksyon !
Sak pase ? N ap konstwi !
Obdiel Dormélus,
Animatè ribrik « plim an aksyon ».